Dassedagsê 12/03/18

This e-mail contains graphics, if you don't see them » view it online.

mail

Langenhoven Header web

12 Maart 2018

                      Dassedagsê

 

Beheerliggaamverkiesing
Die volgende ouers is die afgelope Maandagaand tot die Beheerliggaam verkies: Francois Malherbe (voorsitter), Adohan van der Berg (ondervoorsitter), Mariëtte van Vuuren (tesourier), Kobus Marais, Wilma Swarts, Ian Gerber en Richard Marshall. Baie geluk aan hierdie lede. Baie dankie aan al die ouers wat die moeite gedoen het om te kom stem – dit word opreg waardeer!

 

Redenaars neem op Oudtshoorn deel
Daar is ‘n groot toename in die getal leerders wat aan redenaars deelneem. Altesaam sestien van die skool se redenaars neem môre op Oudtshoorn teen ander skole in die Eden-streek deel. Ons vertrou dat die Dasredenaars die puik prestasies van die afgelope jare sal handhaaf.

 

Skaakproewe
Daar is vyf skaakspelers wat môre aan Eden-skaakproewe deelneem. Die proewe vind op Calitzdorp plaas. Sterkte aan al hierdie leerders.

 

Klas van 2017 nόg beter!
Die matriekklas van 2017 het met die hernasien van sekere vraestelle selfs nόg beter presteer. Die grootste brokkie goeie nuus is dat die skool se 100% slaagsyfer herstel is. Voorts, daar is SEWE vak A-simbole behaal. Dit bring die totaal A-simbole in alle vakke op 164. Die getal leerders wat met onderskeiding geslaag het, het tot 25 gestyg! Ons is nόg meer trots op hierdie (oud)leerders!

 

Onthou asb. die volgende!
Ons herinner aan die Mnr. en Mej. Langenhoven-kroningsgeleentheid. Kaartjies kos R180 per persoon (ete ingesluit) of R60 (slegs kroningsgeleentheid). Kaartjies is by mev. Coetzer beskikbaar.

 

Die Deurnag en steak-ete vind op 20 Maart plaas. Deurnagkaartjies beloop R130 en kaartjies vir die steakete kos R150.

 

Atlete neem Wes-Kaap Atletiekkampioenskappe deel
Die vyf atlete wat in die Edenspan opgeneem is, neem hierdie naweek in die Paarl aan die Wes-Kaap Atletiekkampioenskappe deel. Ons vertrou dat dit met hulle baie goed sal gaan en dat hulle ware ambassadeurs van die skool sal wees.

 

Geheelskoolevaluering
Baie dankie aan al die ouers wat volgende week met die WKOD se geheelskoolevaluering behulpsaam is en bereid is om die paneel te woord te staan. Hierdie besoek het egter ‘n impak op die skool se normale program. Die toetsrooster, onder andere, word hierdeur geraak. Die verandering word hieronder uitgewys.

 

Verandering in toetsrooster
Daar is twee weke terug verduidelik dat eerskomende Maandag en Dinsdag se toetsrooster omruil. Daar moet ongelukkig nog ‘n ruiling plaasvind. Die gr. 8- en gr. 9-leerders se toetsrooster BLY ONVERANDERD. Leerders in grade 10 tot 12 se toetse word, met die verandering, VRYDAG (16 Maart) afgelê en NIE MEER op DONDERDAG (15 Maart) nie.

 

 

Voortrekkers kamp hierdie naweek! 

Die leerders wat deel is van die Voortrekkers, het hierdie naweek ‘n kommandokamp. Ons hoop dit sal ‘n baie genotvolle naweek vir hulle wees. Uitgerus sal hulle egter NIE na hierdie naweek wees nie!

 

 

 

Deurnag en Steakete – 20 Maart

 

Mnr. & Mej Langenhoven – 26 Maart!

 

 

 

 

--

HS Langenhoven geborg deur RIVERSDAL TOYOTA          

--

If you're not interested any more » unsubscribe