Dassedagsê 10/02

 
mail
Langenhoven Header web
10 Februarie 2016
                      Dassedagsê

 

 

Vervoergeld

 

Die Beheerliggaam van die skool het op ‘n vergadering, gehou op 6 Februarie 2017, ‘n besluit geneem ten opsigte van vervoergeld. Die besluit is aanvanklik slegs van toepassing op wintersportsoorte en vanaf die tweede kwartaal van vanjaar. Leerders kan ‘n koepon van R200 by die skool aanskaf. Dit gee die betrokke leerder toegang tot vyf busritte (d.w.s. R40 per rit) vir wegwedstryde. Enkelkaartjies kos R50 elk. Dit is ‘n poging om die hoë kostes van busvervoer van diegene van busvervoer gebruik maak, te verhaal.

 

 

 

Bemarkingsbesoeke

 

Die skool se bemarkingsbesoeke aan voederskole in die omgewing begin volgende week. Die eerste besoek is op Dinsdag 14 Februarie te Hartenbos. Die Wes-Kaap Onderwysdepartement vereis dat gr. 7 leerders reeds vir 2018 teen 24 Maart 2017 by hoërskole moet aansoek doen. Baie sterkte met die personeel en leerders wat by die bemarkingsbesoeke betrokke is.

 

 

 

Skyfskiet

 

Lourens van Vuuren het verlede week tydens die skietkompetisie in Bellville puik presteer. Hy is, onder alle ouderdomsgroepe, as die beste skut van die dag aangewys. Hy het 511 punte uit ‘n moontlike 600 punte geskiet. Ons glo dat dit slegs die begin is van groot dinge vir hierdie kranige jong Das.

 

 

 

Atlete op hulle stukke

 

Die skool se atlete het die afgelpe Woensdag op die Hessequa Atletiekbyeenkoms puik presteer. Twee atlete het rekords gebreek. Elzé van Tonder het die rekord in gewigstoot (Dogters O/17) gebreek en Margeaux Pienaar het die rekord in diskus (Dogters O/14) gebreek. Daar is 24 leerders wat, as gevolg van hulle uitstekende prestasies, later aan die SWD Uitnodigingsbyeenkoms sal deelneem.

 

 

 

Dis skoutyd!

 

Die skouseisoen is weer op hande. Heidelberg se skou vind hierdie naweek plaas en Riversdal s’n volgende week. Daar is baie van ons leerders wat in verskeie items deelneem. Baie sterkte aan elkeen.

 

 

 

Snoepie

 

Mev. Arina de Kock begin volgende week ‘n snoepie wat op Maandae, Woensdae en Vrydae in bedryf sal wees. Dit is ‘n groot behoefte onder die leerders dus vertrou ons dat die projek baie suksesvol sal wees!

 

--

HS Langenhoven geborg deur RIVERSDAL TOYOTA          

--