Kontakbrief 2

 

                                                                                               

 

KONTAKBRIEF 2/2017                                                             31 Maart 2017                                      

 

 

 

Geagte Langenhoven-Ouers

 

 

 

Graag bring ek die volgende sake onder u aandag:

 

 

 

1.         PERSONEEL

 

 

 

Mev Melinda Maartens verlaat ons aan die einde van die kwartaal en mev Susan Grové aan die einde van April. Die skool het groot waardering vir die goeie werk wat hulle gelewer het.  Ons wens hulle net die beste vir die toekoms toe.

 

 

 

2.         MNR EN MEJ LANGENHVOVEN – GLANSGELEENTHEID

 

 

 

’n Uiters geslaagde glansaand, waartydens Mnr en Mej Langenhoven gekroon is, het die afgelope kwartaal plaasgevind. Baie dankie aan almal wat hard gewerk het om die aand so suksesvol te maak. Baie geluk aan Liza Gerber en Gian Rademeyer wat onderskeidelik as Mnr en Mej Langenhoven aangewys is.  Mej Junior Langenhoven is Anja Joubert.

 

 

 

3.         VORDERINGSVERSLAE

 

 

 

Voer asseblief 'n gesprek met u kind na aanleiding van sy/ haar vorderingsverslag. Aangesien toetse oor bepaalde fasette van 'n vak handel, kan vakgemiddeldes hoër óf laer wees as in die geval  van eksamens.  Toetspunte moet egter nie gering geskat word nie, want dit gee 'n goeie aanduiding van ‘n leerder se insette die afgelope kwartaal.  'n Beduidende gedeelte van leerders se punte word egter uit take en werksopdragte saamgestel.  Wanneer leerders nie hierdie take inhandig nie, word hulle kwartaal-punte beslis nadelig beïnvloed.  Die teendeel is ook waar.  Wanneer leerders moeite met hul take doen en dit betyds ingee, kan hulle baie goeie punte verwerf.  Moenie skroom om die skool te kontak oor u kind se vordering nie.

 

 

 

Ongelukkig is daar ook ’n groep leerders wat gedurende die kwartaal nie hul kant gebring het nie en dáárom nie aan die slaagvereistes voldoen nie.  Dit is nog vroeg in die jaar en gereelde studie, van volgende kwartaal, sal sukses aan die einde van die jaar verseker.

 

 

 

4.         AKADEMIESE PRESTASIES

 

 

 

Daar het 85 leerders tydens die afgelope toetsreeks ’n gemiddelde van 80% en meer behaal. Baie geluk aan die volgende toppresteerders in hul onderskeie grade:

 

 

 

Gr 8:           Jana van den Berg – 91,7%                       

 

Gr 9:           Nadia Enslin – 96,3%                    

 

Gr 10:          Mianca Oosthuizen – 92,1%          

 

Gr 11:          Radandt Malherbe – 92,1%

 

Gr 12:          Lize-Mari Marais – 93,1%

 

 

 

5.         GR 12-OUERAAND

 

 

 

Ouers van Graad 12-leerders word uitgenooi na ’n spesiale oueraand op Woensdag, 19 April 2017 om 18:00 in die skoolsaal. Belangrike inligting in verband met akademiese vordering, slaagvereistes, eksamenvoorskrifte en ander sake van belang sal aan ouers gegee word.

 

 

 

 

 

 

 

6.         VAKVERANDERINGE

 

 

 

Géén leerder in Graad 12 mag op hierdie stadium nog ’n vak verander nie. Graad 11-leerders kan tot 31 Maart 2017 in maksimum van 2 vakke verander. Huidige graad 10 leerders het tot 30 Junie 2017 geleentheid om van vakke te verander.  Hierdie sperdatum word Departementeel vasgestel en ons moet daarby hou.

 

 

 

7.         ONDERRIGGELDE

 

 

 

Ons wil alle ouers, wat hulle finansiële verpligtinge  teenoor die skool nougeset nakom, hartlik bedank.  Dankie dat u u kind se opvoeding ‘n hoë prioriteit in u persoonlike begroting maak.  Dit is prysenswaardig dat 70 ouers reeds hulle volle onderriggelde vir die jaar betaal het!

 

 

 

8.         PRESTASIES DEUR LEERDERS

 

 

 

8.1       NASIONALE SENIOR SERTIFIKAAT 2016

 

 

 

Na afloop van die hernasienproses van die Nasionale Senior Sertifikaat-eksamen is ’n regstelling aangebring en die skool se trotse 100% slaagrekord herstel. 11 Addisionele vakonderskeidings is ook behaal wat die totale onderskeidings op 116 te staan bring.  Ghute Myburgh het ook nou met 4 en meer onderskeidings geslaag, wat die skool se onderskeidings op 14 te staan bring.

 

 

 

8.2       REDENAARS

 

 

 

’n Rekordgetal van 9 redenaars het deurgedring van die halfeindrondte van ATKV se redenaars-kompetisie op 2 Junie in Port Elizabeth. Hulle is:

 

 

 

JUNIORS VOORBEREID: Christel Jooste, Nadia Enslin en Mariechen Goedhals.

 

 

 

SENIORS VOORBEREID: Lara du Toit, Simoné Grové

 

 

 

SENIORS ONVOORBEREID: Salomien Oosthuizen en Janke Schonken

 

 

 

SENIORS EAT: Skye Luüs, Kelly Boswell

 

 

 

8.3       WISKUNDE-OLIMPIADE

 

 

 

’n Mooi getal van 40 leerders het vanjaar aan die eerste rondte van die landswye Wiskunde Olimpiade deelgeneem.

 

 

 

Die volgende leerders dring deur na die tweede rondte van hierdie olimpiade wat op

 

10 Mei 2017 plaasvind:

 

 

 

Seniors:           Zenré Coetzer, Lisa-Mari Marais, Salomien Oosthuizen, Wayden Albertus, Richard Marshall, Lianca Uys, Radandt Malherbe, Dyllan du Plessis, Leané Pottas, Elizmarie Solomon.      

 

 

 

Juniors:           Nadia Enslin, Mienke Geldenhuys, Wilidia Crous, Lisa Swarts, Rut Gouws, Liezl Potgieter, Jana van den Berg, Sunica Tesner.

 

 

 

8.4       NASIONALE KLEURE

 

 

 

Liza Gerber en Carla Conradie het Protea-kleure in perdry verwerf. Dit is ’n puik prestasie waarop die skool besonder trots is.

 

 

 

8.5       PROVINSIALE KLEURE

 

 

 

8.5.1     Die volgende leerders het die afgelope kwartaal SWD-kleure in atletiek verwerf:

 

 

 

Alika Steyn, Stefanie Heenop, Margaux Pienaar, Andrie Swart, Elzé van Tonder, Nadia Enslin, Richard Marshall, Jowin Pietersen, Corrin-Lee Adams, Stephan Prinsloo,  Lazlo Paulsen en Brendon Marais.

 

 

 

8.5.2     Marlé van Wyk en Tinka Fox word opgeneem in die SWD-swemspan vir fisies gestremde             leerders.  Hul gaan vanaf 1 tot 3 April 2017 aan die SA Kampioenskappe in Port Elizabeth             deelneem.

 

 

 

8.5.3     Andrie Swart het SWD-kleure in Tweekamp behaal.

 

 

 

8.5.4   Chantelle de Jager verwerf provinsiale kleure in skopboks.

 

 

 

8.5.5     Jan Human word opgeneem in die SWD O/15-Gholfspan wat vanaf 3 – 6 April aan ’n interpro-

 

            vinsiale toernooi in Duban gaan deelneem.

 

 

 

8.5.6     Leané Pottas verwerf WP Kleure in Jeugskou en word aangewys as WP-Kampioen in die perde- afdeling.

 

 

 

8.5.7     Lazlo Paulsen verwerf ’n goue medalje tydens die Wes-Kaap atletiekbyeenkoms en verbeter die rekord in die 1 500m hinderniswedloop.  Hy verteenwoordig die Wes-Kaapspan vanaf 30 Maart tot 1 April 2017 in Durban.

 

 

 

Baie geluk aan hierdie leerders en hul ouers.

 

 

 

9.         VAKANSIE-AKTIWITEITE

 

 

 

9.1       NETBAL

 

 

 

Die O/14- en O/15-netbalspanne neem vanaf 3 April – 6 April deel aan die Paarl Elite-toernooi, terwyl die O/19-span vanaf 7 tot 12 April deelneem aan ’n Top Skoletoernooi in George.

 

 

 

9.2       RUGBY

 

 

 

Die skool se eerste rugbyspan neem vanaf 31 Maart – 5 April aan die Tony Stoops-toernooi in Kaapstad deel. Hulle speel Saterdag, 1 April om 14:45, teen HTS Bellville.  Die wedstryd vind op Hoërskool Brackenfell se velde plaas.  Ons hoop dat dit vir hulle as goeie voorbereiding vir die komende seisoen sal dien.

 

 

 

9.3       ATLETIEK

 

 

 

Elzé van Tonder, Stefani Heenop en Stephan Prinsloo gaan aan die ASA-atletiekbyeenkoms vanaf 6 – 8 April in Groenpunt deelneem.

 

 

 

10.       75-JARIGE FEESVIERINGS

 

 

 

Die skool is vanjaar 75 jaar oud. Ons beoog die naweek van 29 Junie – 2 Julie 2017 ’n skoolfees waarheen alle oud-leerders, huidige ouers en vriende van die skool uitgenooi word.  ’n Program van die naweek sal mettertyd aan u voorsien word.

 

 

 

11.       LEERDERS SE VOORKOMS EN GEDRAG

 

 

 

Ons wys ouers daarop dat leerders se voorkoms reeds op die EERSTE skooldag van die nuwe kwartaal reg moet wees.  Leerders wie se voorkoms nie aan die voorskrifte voldoen nie, sal huis toe gestuur word om dit reg te kry.  Ons wys spesifiek op die korrekte snit/styl van die seuns se hare.  Dogters se haarkleur moet natuurlik – nie onnatuurlik swart of blond  nie -  wees en geen strepies word toegelaat nie. Sien gerus die skoolreëls soos in die Dasboekie saamgevat.

 

 

 

12.       KWARTAALPROGRAM

 

 

 

‘n Voorlopige program vir volgende kwartaal word saam met die kontakbrief gestuur. Ondersteun asseblief dié aktiwiteite waarby u kind volgende kwartaal betrokke is.

 

 

 

 

 

 

 

Mag die vakansietyd vir u en u gesin aangenaam wees.

 

 

 

Mooi wense.                                                                            

 

 

 

 

 

 

 

 

 

PJT DE VILLIERS                                                                    Skooltye 2e en 3e kwartaal:

 

SKOOLHOOF                                                                           Ma, Di, Do, Vr 7:25 – 13:45

 

                                                                                                  Woensdae       7:25 – 13:05

 

 

 

 

 

Skoolkwartale 2018

 

1

17(15) Januarie – 28 Maart

2

10 April – 22 Junie

3

17 Julie – 28 September

4

9 Oktober – 12(14)Desember

 

 

 

  •